AP Universal Health Policy 2025: కుటుంబానికి రూ.25 లక్షల ఉచిత చికిత్స – కేబినెట్ ఆమోదం
మరో విప్లవాత్మక నిర్ణయంతో కూటమి ప్రభుత్వం ముందుకొచ్చింది. ఎన్నికల మ్యానిఫెస్టోలో ఇచ్చిన హామీలలో భాగంగా రాష్ట్ర ప్రజలందరికీ ఉచిత వైద్య సేవలు అందించే యూనివర్సల్ హెల్త్ పాలసీకి కేబినెట్ ఆమోదం తెలిపింది. ఈ పథకం అమలు అయితే రాష్ట్రంలో ప్రతి కుటుంబానికి ఏడాదికి రూ.25 లక్షల వరకూ ఉచిత చికిత్స లభించనుంది.
ఈ కొత్త విధానం ద్వారా 2,493 నెట్‌వర్క్ ఆస్పత్రుల్లో పూర్తిగా ఉచితంగా వైద్య సేవలు అందుబాటులోకి రానున్నాయి. అదనంగా 3,257 రకాల వైద్య చికిత్సలు ఎటువంటి ఖర్చు లేకుండా అందించబడతాయి. దీనితో ఆరోగ్య ఖర్చుల భారంతో ఇబ్బందులు పడుతున్న పేద, మధ్యతరగతి కుటుంబాలకు పెద్ద ఊరట లభిస్తుంది.
ఆదాయం ఎంత ఉన్నా, ఉద్యోగం ఉన్నా లేకపోయినా రాష్ట్ర పౌరులందరికీ ఈ యూనివర్సల్ హెల్త్ పాలసీ వర్తిస్తుంది. ప్రభుత్వం తీసుకున్న ఈ నిర్ణయం వల్ల ప్రతి కుటుంబానికి ఆరోగ్య భద్రత లభించనుంది. ప్రజలకు ప్రాణ రక్షణలో ఇది చరిత్రాత్మక అడుగుగా భావిస్తున్నారు.
